YT-7300 Бензинли двигател компрессометри

Барча турдаги шамлар учун мос.
Диққат! Чиқариш қувурлари, радиаторлар ва двигателнинг бошқа иссиқ қисмларига тегманг, чунки бу қўлнинг акс томонга рефлекс ҳаракатига ва натижада двигателнинг бошқа қисмларига урилиб жароҳатланишга олиб келиши мумкин.
СИНОВ ЎТКАЗИШ ТАРТИБИ
Двигателни тахминан 15 дақиқа ишлатиб, нормал иш ҳароратига етказинг.
Двигателни ўчиринг. Шамларга борадиган барча симларни (кетма-кет) узинг ва синовдан кейин тўғри улаш учун уланиш нуқталарини белгиланг.
Барча шамарни 1 айланишга бўшатинг, сўнг ҳаво шланги ёки ғилдирак насоси билан шамлар ва қистирмалар атрофида тўпланган кирни олиб ташланг. Уларни тоза текис юзага, олинган тартибда қўйинг. Шу туфайли алоҳида силиндрларда компрессия ва шам ҳолатига боғлиқ муаммоларни осонроқ аниқлаш мумкин.
Ҳаво филтрини олиб ташланг ва карбуратор дросселъ пластинкаларини максимал очиқ ҳолатда қулфланг. Юқори кучланиш симини дистрибутор ичидан олиб, уни ерга уланг. Электрон ўт олдириш тизимини ўчириш учун электрон ўт олдириш модулини узинг ёки аккумулятор клеммасини дистрибутор қопқоғидан олинг (V8 ва V6 моделларида аккумулятор симини дистрибутор қопқоғидан узинг).
Адаптер шлангини шам тешикларига бураб киритинг. Фақат қўл билан буранг - КАЛИТ ИШЛАТИШ МАН ЭТИЛАДИ!
Сўнг двигателни завод дастаги билан камида 4 сиқиш юриши ёки ўлчагич шкаласидаги босим ўсиши тўхтагунча айлантиринг.
Босим ўлчаш натижасини ёзиб олинг ва қолган силиндрлар билан тартибни такрорланг.
СИНОВ НАТИЖАЛАРИ
Агар силиндр нормал ишласа, ўлчагич игнаси ҳар бир юришда юқорига силжиб, чекка ҳолатга етиши керак. Барча силиндрлар бўйича натижалар двигател ишлаб чиқарувчиси спецификацияси доирасида бўлиши, алоҳида силиндрлар орасидаги фарқ эса 10% дан ошмаслиги керак.
Агар кўрсаткич игнаси нормал юқорига силжимаса ёки бир неча юришдан кейин ҳолатини ўзгартирмаса, сўнг юқорига кета бошласа, силиндрда клапан тиқилиб қолган демакдир.
Агар сиқиш босими ўлчови двигател ишлаб чиқарувчиси спецификациясидан анча юқори бўлса, силиндрда сезиларли миқдорда нагар тўпланган демакдир. Баъзи ҳолларда юқорироқ ҳарорат диапазонли шам ишлатиш бу муаммони ҳал қилишга ёрдам беради.
Агар икки қўшни силиндрдаги натижа бошқа силиндрлардан 20 пси ёки ундан кўпроқ фарқ қилса, каллак устидаги қистирма шикастланган демакдир. Иккала силиндрда сув ва/ёки мой бўлиши мумкин.
Агар синов натижалари паст ёки турли силиндрларда нотекис бўлса, ҳар бир силиндрга бир чой қошиқ SAE30 мой қуйинг ва синовни яна ўтказинг. Агар натижалар сезиларли ошса, муаммо нотўғри ўрнатилган ёки эскирган халқаларда. Агар натижалар ўзгармаса — шикастланган клапанларда.
Барча шам симларини белгиланган тартибда қайта уланг. Иккиламчи чулғам симини дистрибуторга уланг ва двигателни кейинги ишга туширишдан олдин карбуратор дросселини нормал ҳолатга қайтаринг.